НАСТАНИ

Со свечена академија во хотел Holiday INN, Скопје на 16 јуни 2018г. Нотарска комора на Република Македонија одбележа 20 години од постоењето на нотаријатот.

Студиска посета во Дрезден, Германија

Делегација составена од Потпретседателката на Нотарска комора на РМ, нотар Олга Димовска, претставник од Министерство за правда, Сектор за извршување, нотаријат и медијација, Помошник раководител на Секторот за извршување, нотаријат и медијација Владимир Јанковски и претставник од Нотарска комора на РМ, стручен соработник м-р Анастазија Анастасовска во организација на Германското друштво за интернационална соработка – ГИЗ, преку Отворениот регионален фонд за југоисточна Европа – правна реформа и Германската федерална нотарска комора, од 27.2.2018 година до 3.3.2018 година присуствуваше на студиска посета во Дрезден, Германија.

На 7 - 8 октомври, 2017 година во хотел Дрим, Струга се одржаа нотарски денови организирани од страна на Нотарската комора на РМ. Нотарските денови ги отвори г-дин Васил Кузманоски, Претседател на Нотарскa комора на Република Македонија, со краток осврт кон изборот на темите, а беше потпишан и Меморандум за соработка помеѓу Нотарската комора на РМ застапувана од Претседателот, г-дин Васил Кузманоски и Правниот факултет,, Јустинијан Први” Скопје застапуван од деканот, проф. д-р Горан Коевски.

На 21 и 22 април, 2018 година во хотел Метропол и Белви, Охрид беа одржани редовните Нотарските денови во организација на Нотарската комора на Република Македонија.

Нотарските денови ги отвори г-дин Васил Кузманоски, Претседател на Нотарскa комора на Република Македонија, со поздравен говор во кој се заблагодари на присутвото на гостите и присутните нотари, а потоа изложи и свој краток осврт кон изборот на темите за советувањето.

На 20 декември во хотел Александар, Палас, Скопје беше одржан свечен настан по повод 20 години основање на Детската амбасада за Сите деца на светот под покровителство на премиерот г-дин Зоран Заев. На овој настан како претставник на Нотарска комора на РМ присуствуваше потпретседателот на Комората и член на Управен одбор, г-дин Наџи Зеќири.

На 1 Април 2017 година во хотел Александар Палас, Скопје се одржа 19 -тото Редовно Годишно Сoбрание на Нотарската комора на РМ.

На Годишното Собрание беа усвоени извештаите од работењето на органите на Нотарската комора на РМ во претходната година, додека од страна на претседателот г-дин Васил Кузманоски беа изнесени резултатите од успешното функционирање на нотаријатот во Република Македонија.

На 31 Март 2018 година во хотел Александар Палас, Скопје се одржа 20 - тото Редовно Годишно Сoбрание на Нотарската комора на РМ и Изборно собрание за избор на членови и заменик членови на Дисциплинскиот совет и Комисијата за надзор над примената на одредбите на Законот за спречување перење пари и финансирање тероризам.

На 16 ти декември во Тирана, Р. Албанија се одржа втор конгрес на тема Дигитализација, приоритет за модерен нотаријат.  Како претставници од Нотарска комора на РМ на конгресот присуствуваше делегација предводена од Претседателот г-дин Кузманоски Васил, потпретседателот г-дин Зекири Наџи и членот на Управен одбор г-дин Ѓурчиноски Сашо.

Со цел за запознавање на пошироката јавност со улогата на нотаријатот во обезбедувањето на правната сигурност, Нотарската комора на РМ на ден  ден 27 април 2017 година (четврток) во хотел Холидеј ИН, Скопје организираше тркалезната маса на тема “Развојот и работата на нотаријатот во Република Македонија и неговиот придонес за остварување на поефикасен правен систем и правна сигурност”     

По повод јубилејот 10 -години од основање на нотаријатот во Република Српска, делегација предводена од претседателот на Нотарската комора на Република Македонија, г-дин Васил Кузманоски и потпретседателот г-дин Наџи Зеќири беше на службена посета во Бања Лука.

Делегација од Нотарска комора на Република Македонија составена од Претседателот, Васил Кузманоски, нотар од Охрид и м-р Анастазија Анастасовска, стручен соработник беше на работна посета во Брисел, Белгија а по повод генералното собрание на Советот на нотаријатите на Европската Унија (CNUE) одржано на 1 декември, 2017 година каде НКРМ беше и формално претставена како член набљудувач.

Во периодот од 4 до 7 мај 2017 год во Анталија, Турција се одржа меѓународен симпозиум организиран од Унија на нотарите во Турција на кој како претставници од Нотарската комора на РМ присуствуваа претседателот на Нотарската комора на РМ, Васил Кузманоски, потпретседателот и членот на Управниот одбор, Наџи Зеќири и членот на Управниот одбор, Анита Адамческа. Од страна на претседателот Васил Кузманоски на претседателот на Унијата на нотарите на Турција г-дин Јунус Тутар беше доделен скромен подарок во знак на досегашна и идна успешна соработка меѓу Коморите.