НАСТАНИ

Информација за одржана средба со поранешните претседатели на Нотарската комора

На ден 21 јули 2026 година, во просториите на Нотарската комора на Република Северна Македонија се одржа средба на претседателот на Нотарската комора на РСМ, Цеца Малева Стоев со сите поранешни претседатели на Комората.

Средбата се одржа во духот на меѓусебна соработка, почитување и континуитет во развојот на нотаријатот. Притоа беше извршена размена на мислења, искуства и ставови во однос на досегашниот развој на нотаријатот, предизвиците со кои се соочувала Комората во различни периоди, како и можностите за понатамошно унапредување на работата и функционирањето на Нотарската комора.

Поранешните претседатели ги споделија своите искуства и практики стекнати во текот на нивните мандати, при што беа изнесени конструктивни предлози и идеи кои ќе придонесат за натамошно јакнење на институционалниот капацитет на Комората, подобрување на работата на нотаријатот и унапредување на професионалните стандарди.

Беше истакната заедничката определба ваквите средби да продолжат и во иднина, со цел искуството и знаењето на поранешните претседатели да претставуваат значајна поддршка во креирањето на идните активности и развојните политики на Нотарската комора.

НОТАРСКИ ДЕНОВИ, 19-20 ОКТОМВРИ 2019Г., Х. ИЗГРЕВ, СТРУГА

Согласно законската обврска за редовно стручно усовршување и едукација на нотарите, на 19 и 20 октомври 2019 година, во хотел Изгрев, Струга се одржаа редовните есенски Нотарски денови во организација на Нотарската комора на Република Северна Македонија.

По повод 25 години од постоењето на Советот на нотаријати на Европска унија (CNUE) на 5 декември 2018г. во Европски парламент, зграда Алтеро Спинели, Брисел, Белгија се одржа свечена седница.

На 15 и 16 јуни 2019 година во Мадрид, Шпанија се одржа Вонредна седница на Собранието на Меѓународната унија на нотарите во врска со правниот статус на Унијата. На овој собир присуствуваа претседателот на Нотарската комора, Васил Кузманоски и членот на Управниот одбор, Сашо Ѓурчиноски.

На 10 ноември 2018 година во хотел Континентал беше одржан Нотарски ден во организација на Нотарската комора на Република Македонија.

Во временскиот период од 25-30 ноември 2019 година, во Џакарта, Индонезија се одржа Изборно собрание на Меѓународната унија на латинскиот нотаријат и 29-иот Меѓународен конгрес на нотаријатите кои се членки на Меѓународната унија. На овие значајни настани активно учество зема и делегација на Нотарската комора на Република Северна Македонија, составена од претседателот на Комората, г. Васил Кузманоски и членот на Управниот одбор на Комората, нотар м-р Сашо Ѓурчиноски.

Согласно законската обврска за редовно стручно усовршување и едукација на нотарите, на 11 и 12 мај 2019 година, во хотел Изгрев, Струга се одржаа редовните пролетни Нотарски денови во организација на Нотарската комора на Република Северна Македонија.

25 -ти Октомври е Европски ден за граѓанска правда што секоја година се одбележува во сите држави во Европа со цел доближување на правдата до граѓаните преку запознавање со нивните основни права во повеќе области. 

13-14 ноември 2019 година, Брисел, Белгија

13 ноември 2019г.

Во организација на Советот на нотаријатите на Европска унија (KНУЕ) на 13 ноември, прв ден од одржувањето на редовното Генерално собрание, во зградата на Европскиот парламент се одржа изложбата Енацтед Еуропе.

На  9 февруари 2019 година во Скопје, хотел Холидеј Ин, Скопје беше одржано Изборно собрание за избор на членови на Комисијата за спроведување на конкурс за именување на нотари на Нотарската комора на РМ и XXI -то Вонредно Собрание на Нотарската комора на РМ со цел давање мислење во врска со предлог Нотарска тарифа за изменување на Нотарска тарифа доставена од Министерство за правда.

Во периодот од 23 заклучно до 25 октомври 2018 година во Софија, Република Бугарија се одржа Вториот Национален конгрес на бугарските нотари по повод 20 – Годишнината од постоењето на бугарскиот нотаријат. На овој настан присуствуваше македонска делегација предводена од  претседателот на Нотарската комора на РМ, г-дин Васил Кузманоски и членовите на Управниот одбор Виолета Ангеловска и Јанко Милушев.